Ալեքսեյ ԱՆՊԻԼՈԳՈՎ․ ՓԱՇԻՆՅԱՆՆ ԱՅԴ ՕՐԸ ԳՈՂԱՑԱՎ ՀԱՅ ԺՈՂՈՎՐԴԻՑ
Ռուս քաղաքագետ Ալեքսեյ Անպիլոգովը Alpha News-ի հետ զրույցում անդրադարձել է ԲՐԻԿՍ-ի գագաթնաժողովի առաջին օրը ՀՀ վարչապետ Նիկոլ Փաշինյանի բացակայությանը։
«Դա Հայաստանի շահերից չի բխում։ Միջազգային ձևաչափի նման հանդիպումներում արժեքավոր է ոչ միայն ամեն օր, ամեն ժամը, ամեն րոպե, երբ դուք կարող եք իրականում մեկ տեղում հանդիպել առաջատար երկրների տասնյակ ղեկավարների հետ, կարող եք լուծել ձեր երկրին հուզող հարցերը, որոնք վերաբերում են քո երկրին ոչ թե երկարատև բանակցություններում, այլ առանձնազրույցներում։ Իսկ դա հենց դիվանագիտության արվեստն է, այդ ժամանակն օգտագործել առավելագույն արդյունավետությամբ։
Եվ այստեղ նույնիսկ հարցը Փաշինյանի և Ռուսաստանի Դաշնության նախագահի, կամ Ռուսաստանի և Հայաստանի անձնական հարաբերությունների մեջ չէ, դրանք կարող են լինել ամեն ձև, բայց եթե այս կարգի ֆորում անցկացվի, որին ներկայացված են տարբեր երկրներ, իրոք, փոքրից մեծ, ինձ թվում է, որ Փաշինյանն, ընդհանուր առմամբ, այդ օրը գողացել է ոչ Ռուսաստանից, ոչ Կազանի համաժողովից, նա այդ օրը գողացել է հայ ժողովրդից, որը նա պետք է ներկայացնի միջազգային ասպարեզում»,- ասել է Անպիլոգովը։
Միաժամանակ, Անպիլոգովը նշել է, որ Հայաստանին նման քայլը ոչնչով չի անդրադառնա, այն դեպքում, եթե դա մեսիջ էր Արևմուտքի երկրների համար:
«Արևմուտքը կարող է ուրախ լինել Փաշինյանին գովել նման արարքի համար, եթե դա իսկապես այդպես գնահատվի։ Բայց ես միանգամայն համոզված եմ,որ որևէ իրական հարաբերությունների փոփոխություն չի լինի: Այսինքն՝ Արևմուտքի դիրքորոշումը Հայաստանի ապագայի վերաբերյալ որևէ կերպ չի փոխվի՝ կախված նրանից, թե Հայաստանն ավելի սերտ կհամագործակցի ԲՐԻԿՍ-ի, և ոչ միայն Ռուսաստանի հետ, թե ոչ։
Արևմուտքը բացարձակ պատեհապաշտ, ես կասեի, նույնիսկ եսասիրական հետաքրքրություն ունի Հայաստանի նկատմամբ, և դա բազմիցս արտահայտվել է տարբեր մակարդակներում։ Հայաստանին բավական համեստ դեր է վերապահված արևմտյան աշխարհում, և մեծ հաշվով արևմտյան երկրները չեն պաշտպանի հայկական որևէ շահ ոչ կարճաժամկետ, ոչ էլ առավել ևս երկարաժամկետ հեռանկարում։ Հետևաբար, ինչի՞ է հասել Հայաստանի ղեկավարը, որը Փաշինյանն է՝ հետևելով, թերևս, նման անցողիկ մտքերին՝ կապված այն բանի հետ, որ կարելի է որևէ մեկին հաճոյանալ՝ չմասնակցելով ներկայացուցչական միջազգային ֆորումին:
Այս համաժողովը պարզապես հայտարարում է, որ հաշվի են առնվում փոքր երկրների կարծիքները, աշխարհակարգի բազմաբևեռությունը, և որում Հայաստանն, ընդհանուր առմամբ, կարող է շատ ավելի պատվավոր և կարևոր տեղ զբաղեցնել, քան աշխարհում՝ արևմտյան չափանիշներով, ամերիկյան ձևով աշխարհում, որն այժմ գոյություն ունի»,- եզրափակել է փորձագետը։