ՀՀ-ում օտարերկրացիների թիվը նվազել է, աշխատավարձերի շուկան սկսել է սառչել

Հայաստանում օտարերկրացիների կողմից ապրանքների և ծառայությունների սպառումն, ըստ նախնական դիտարկումների, սկսել է նվազել։ Այս մասին այսօր լրագրողների հետ հանդիպմանն ասաց ՀՀ Կենտրոնական բանկի նախագահ Մարտին Գալստյանը։

Հնդիկները որքա՞ն գումար են տալիս ՀՀ գալու համար և ի՞նչ խնդիրների են բախվում մեր երկրում

Դա, ըստ նրա,ավելի շուտ ընդհանուր բնույթի ենթադրություն է, քանի որ Հայաստանում ռուս ռելոկանտների թվաքանակի գնահատականները երկար ժամանակ չեն արվել (իսկ ժամանումների և մեկնումների պաշտոնական տվյալներից պարզ չէ, թե ով և ինչ ժամկետով է մնում)։

«Հնդկաստանի քաղաքացիների դեպքում մենք ինքներս չենք կարող մինչև վերջ հասկանալ. որոշ աղբյուրներ պնդում են, որ նրանց թիվը 16–ից նվազել է մինչև 11 հազար, մյուսները՝ 50–ց մինչև 30 հազար։ Այդ նվազման ազդեցությունն ինչպիսին էլ լինի աշխատաշուկայի վրա, մենք չենք տեսնում, քանի որ մեզ հայտնի չէ, թե նրանցից ով է ուսանող, ով է գործարար, ով՝ վարձու աշխատող»,– ավելացրեց Գալստյանը։

Այս տվյալների հիման վրա, սակայն, ԿԲ նախագահը եզրակացնում է, որ Հայաստանում օտարերկրյա քաղաքացիների թիվը նվազել է, ինչը նշանակում է, որ նվազել է ապրանքների և ծառայությունների պահանջարկը հատկապես հանրային սննդի, հանգստի, զվարճանքի ոլորտներում։ Պահանջարկի նվազումը հանգեցրել է նաև այդ ոլորտներում աշխատավարձերի նվազման։

2022–23 թթ. ռելոկանտների ներհոսքով և նրանց պահանջարկի ազդեցությամբ այս ոլորտներում աշխատավարձերն աճել են շատ ավելի շատ (20–25 %–ով), քան գները (6–7 %–ի սահմաններում)։ Դա ազդել է երկրում ընդհանուր գնաճի վրա։ 2024 թ. օգոստոսի դրությամբ ծառայությունների ոլորտում գնաճը կազմում է 3 %, իսկ աշխատավարձերի աճը՝ 5.9 %: Հետևաբար, աշխատաշուկայում «գերտաքացումը» նվազում է։

Այնուամենայնիվ, կենտրոնական բանկը նշում է, որ երկրում տնտեսական ակտիվությունը (2024 թ. երրորդ եռամսյակի տվյալներով) շարունակում է ավելի բարձր մնալ, քան ՀՆԱ–ի պոտենցիալ աճը։ Հետևաբար, ըստ Գալստյանի, եթե տնտեսության խթանմանն ուղղված պետական միջոցառումները մասշտաբային լինեն, կարող են կրել գնաճի ռիսկեր:

Sputnik Արմենիա