Սունդուկյան թատրոնի կողմից «Գոյ» թատրոնի տարածքը օգտագործելու, տնօրինելու իրավունքը կասեցված է. փաստաբան
Սունդուկյան թատրոնի կողմից «Գոյ» թատրոնի տարածքը օգտագործելու, տնօրինելու իրավունքը կասեցված է։ Այս մասին այսօր՝ նոյեմբերի 4-ին, լրագրողների հետ զրույցում ասաց փաստաբան Կարո Ասատրյանը։
«Դատարանում ունենք պահանջ, որը վիճարկման հայցի տրամաբանության ներքո է։ Դեռևս փետրվարի 29-ին մեր կողմից հայցադիմում էր ներկայացվել հետևյալ պահանջով՝ ոչ իրավաչափ ճանաչել ԿԳՄՍ նախարարության գործողությունները։ Դատարանը մեզ հայցի վերադարձ է արել և մենք փոխել ենք և մեր պահանջը ձևակերպել հետևյալ ձև՝ պետռեգիստրում իրավունքի դադարեցումը և վերակազմակերպումը, որը տեղի է ունեցել, անվավեր ճանաչվի և վերացվի, ինչպես նաև ոչ իրավաչափ ճանաչվի ԿԳՄՍ նախարարության կողմից կատարված գործողությունները։ Արդարադատության նախարարությունն արձանագրել է, որ Գոյ թատրոնի հայցը ճանաչման հայց է»,- նշեց փաստաբան Կարո Ասատրյանը։
Դիտարկմանը, թե իրենց կողմցի հղում արված Արդարադատության նախարարության փաստաթուղթը, ըստ Սունդուկյան թատրոնի իրավաբանի, հիմք չի կարող հանդիսանալ, որ բանալիները նրանց տրամադրեն, քանի որ նախարարությունը նման լիազորություն չունի՝ Կարո Ասատրյանը պատասխանեց, որ ԱՆ-ից իրենք չեն պահանջել որոշում տալ, այլ խնդրել են օրենքի մեկնաբանություն, քանի որ Սունդուկյան թատրոնի տնօրինությունը, նախարությունն ու «Գոյ»-ի տնօրենի ԺՊ նշանակված Կարեն Սիմոնյանը միակողմանիորեն էին մեկնաբանում․ «Մենք ասում ենք՝ կասցեված է և բերում ենք հիմնավոր ապացույցներ, իրենք պետք է առնվազն սրա հետ հաշվի նստեն, եթե ոչ, մենք այլ ձևով մեր իրավունքները կպաշտպանենք»։
Լուրեր Հայաստանից - NEWS.am