Գլխավոր դատախազից պահանջելու ենք հրապարակավ ներողություն խնդրել Նարեկ Մալյանից. Փաստաբան

«Չաուշեսկուների» հայտնի գործով Նարեկ Մալյանը արդարացվել էր դեռևս 2023 թվականին՝ առաջին ատյանի դատարանի կողմից: Այս մասին իր էջում գրել է փաստաբան Տիգրան Աթանեսյանը:

Նա, մասնավորապես, նշել է. «Վերաքննիչ քրեական դատարանը արդարացումը թողել էր ուժի մեջ, իսկ այսօր ՀՀ վճռաբեկ դատարանը մերժել է գլխավոր դատախազի վճռաբեկ բողոքը վարույթ ընդունելը, այսինքն՝ արդարացման դատավճիռը մտել է օրինական ուժի մեջ:

Գլխավոր դատախազից, համաձայն ՀՀ քրեական դատավարության օրենսգրքի 164 հոդվածի, պահանջելու ենք հրապարակավ ներողություն խնդրել Նարեկ Մալյանից՝ ապօրինի քրեական հետապնդման համար»։

Լուրեր Հայաստանից - NEWS.am