ՊԵԿ նախագահ կնշանակվի Էդուարդ Հակոբյանը. Փաշինյանը որոշում է կայացրել

ՀՀ ֆինանսների նախարարի տեղակալ Էդուարդ Հակոբյանը կնշանակվի ՊԵԿ նախագահ։ Այս մասին սոցցանցերի իր էջերում հայտնել է ՀՀ վարչապետ Նիկոլ Փաշինյանը։

«Էդուարդ Հակոբյանը, որը ներկայում Ֆինանսների նախարարի տեղակալն է, կնշանակվի Պետական եկամուտների կոմիտեի նախագահ»,- գրել է Փաշինյանը։

Նշենք, որ Էդուարդ Հակոբյանը ՀՀ ֆինանսների փոխնախարար է նշանակվել 2022 թվականի դեկտեմբերին։ Մինչ այդ էլ աշխատել է նույն նախարարությունում՝ մակրոտնտեսական քաղաքականության վարչության կրտսեր մասնագետից մինչև վարչության պետ։

Հակոբյանը տնտեսական գիտությունների թեկնածու է։

Sputnik Արմենիա