Վանաձորում պայթյունից այրվածքներ է ստացել գազալցակայանի աշխատակիցը. վիճակը կայուն ծանր է

ՀՀ լոռու մարզի Վանաձոր քաղաքի Երևանյան խճուղում գտվող գազալցակայանում տեղի ունեցած պայթյունի հետևանքով մեկ անձ այրվածքներով տեղափոխվել է հիվանդանոց: Տեղեկությունը Sputnik Արմենիային հայտնեցին ՆԳՆ փրկարար ծառայությունից։

ՀՀ առողջապահության նախարարաության մամուլի ծառայությունից էլ Sputnik Արմենիային հայտնեցին, որ տուժածը այրվածքներով հոսպիտալացվել է Վանաձորի ԲԿ։

«Առողջական վիճակը կայուն ծանր է»,–ասացին մամուլի ծառայությունից։

Sputnik Արմենիայի տեղեկություններով` տուժածը երիտասարդ տղամարդ է։ Նա գազալցակայանի աշխատակից է։

Հավելենք, որ 20։18–ին բռնկված հրդեհը մեկուսացվել է ժամը 20:46-ին: