Զարգացման ասիական բանկը Հայաստանին կտրամադրի 89,4 մլն եվրոյի վարկ

Զարգացման ասիական բանկը Հայաստանին կտրամադրի 89 մլն 469 հազար եվրոյի վարկ։ Այս մասին Ազգային ժողովում, համապատասխան հարցի քննարկման ժամանակ, դեկտեմբերի 5-ին ասել է ֆինանսների նախարար Վահե Հովհաննիսյանը։

Նրա խոսքով՝ 2024թ. նոյեմբերի 1-ին Հայաստանի և Ասիական զարգացման բանկի միջև ստորագրվել է «Հարկաբյուջետային կայունության և ֆինանսական շուկաների զարգացման ծրագիր. Ծրագիր 2» վարկային համաձայնագիրը։

Միջոցները կտրամադրվեն բյուջեի դեֆիցիտի ծածկմանը։

«Վարկային միջոցների յուրացման ժամկետը՝ 2025թ. հունիսի 30։ Տոկոսադրույքը կլինի լողացող»,- ասել է Հովհաննիսյանը։

Վարկի մարման ժամկետը կկազմի 15 տարի։ Դրանցից արտոնյալ է 3 տարին։

News.am