ՍՐԲՈՒՀԻ ԳԱԼՅԱՆԸ ՀԱՆԴԻՊԵԼ Է ՆԵՆՍԻ ՓԵԼՈՍԻԻ ՀԵՏ

ԱՄՆ-ում ՀՀ արդարադատության նախարար Սրբուհի Գալյանը հանդիպել է ԱՄՆ Ներկայացուցիչների պալատի նախկին խոսնակ, այժմ կոնգրեսական Նենսի Փելոսիի հետ, գրում է «Հրապարակ» օրաթերթը՝ հղում անելով իր աղբյուրներին։

«Նրանք քննարկել են ԱՄՆ մանդատի ներքո Հայաստանում իրականացվող որոշ ծրագրերի ընթացքը: Ենթադրվում է՝ հատկապես ապօրինի գույքի բռնագանձման գործընթացը»,- ասված է թերթի հրապարակման մեջ։

Թերթին նախարարությունից հանդիպման վերաբերյալ մանրամասներ չեն հայտնել։

Դեկտեմբերի 10-ին ԱՄՆ Պետքարտուղարության թմրամիջոցների դեմ պայքարի և իրավապահ համագործակցության բյուրոն Գալյանին ճանաչել էր կոռուպցիայի դեմ պայքարի առաջամարտիկ։

Գալյանը դեկտեմբերի 7-12-ն ԱՄՆ-ում մասնակցում է Միջազգային այցելուների առաջնորդության ծրագրին (ՄԱԱԾ)։

Հոկտեմբերի 29-ին ՔՊ-ն Արդարադատության նախարարի պաշտոնում առաջադրել էր Գալյանի թեկնածությունը։ Նոյեմբերի 5-ին Գալյանը նշանակվել էր Արդարադատության նախարար։

Armenia Today