Սարսափելի դեպք Գերմանիայում. ավտոմեքենան մխրճվել է մարդկանց մեջ, զոհեր ու տուժածներ կան (ՏԵՍԱՆՅՈՒԹ)

Գերմանիայի արևելքում գտնվող Մագդեբուրգ քաղաքում ավտոմեքենան մխրճվել է մարդկանց բազմության մեջ, ինչի հետևանքով 2 մարդ մահացել է, 68-ը` տուժել։ Տեղեկությունը հրապարակվել է Մագդեբուրգի քաղաքապետարանի կայքում։

Դեպքը տեղի է ունեցել Սուրբ ծննդի տոնավաճառում։ Լրատվամիջոցների տեղեկություններով` մահացածներից մեկը երեխա է, տուժածներից 15-ը ծանր վնասվածքներ են ստացել:

Կասկածյալը ձերբակալվել է։ Նախնական տեղեկություններով՝ վրաերթը կանխամտածված է եղել, ավտոմեքենան վարել է Սաուդյան Արաբիայում ծնված 50–ամյա մի տղամարդ, որը 2006 թվականից բնակվում է Գերմանիայում:

Sputnik Արմենիա