Առաջիկա օրերին ԱՊՀ և ԵԱՏՄ երկրների ղեկավարների գագաթնաժողովներ կանցկացվեն

ԱՊՀ երկրների ղեկավարները դեկտեմբերի 25-ին Լենինգրադի մարզում ոչ պաշտոնական հանդիպման ժամանակ կարծիքներ կփոխանակեն արդի միջազգային խնդիրների, ինչպես նաև Համագործակցության շրջանակում փոխգործակցության շուրջ:

Ըստ ТАСС գործակալության՝ դրա մասին լրագրողներին հայտնել է ՌԴ նախագահի օգնական Յուրի Ուշակովը։

Ըստ նրա՝ ԱՊՀ երկրների ղեկավարները ոչ պաշտոնական քննարկման ժամանակ կանդրադառնան 2025 թվականին Հաղթանակի 80-ամյակի տոնակատարության նախապատրաստական ​​աշխատանքներին։ «Նրանք բոլորը հրավիրված են Մոսկվա, և բոլորին սպասում ենք մոսկովյան գագաթնաժողովում»,-ընդգծել է Ուշակովը։

Ինչպես հաղորդում է ռուսական РИА Новости-ն՝ նա միաժամանակ հայտնել է, որ դեկտեմբերի 26-ին Եվրասիական տնտեսական միության երկրների ղեկավարները գագաթնաժողովում, որը կվարի Հայաստանի վարչապետը, կքննարկեն գազի ընդհանուր շուկաների ձևավորումը։

Երկու նիստերն էլ Լենինգրադի մարզում կանցկացվեն։

News.am