Իրակլի Կոբախիձեն կայցելի Ադրբեջան
Հունվարի 17-ին Վրաստանի վարչապետը կայցելի Ադրբեջանի Հանրապետություն։ Նշված տեղեկությունը տարածում է Վրաստանի կառավարության վարչակազմը։
«Բաքու այցի շրջանակներում Վրաստանի և Ադրբեջանի վարչապետների նախագահությամբ տեղի կունենա երկու երկրների միջև տնտեսական համագործակցության միջկառավարական խմբի հանդիպումը։ Հանձնաժողովի նիստին կմասնակցեն երկու երկրների կառավարությունների անդամները։
Նախատեսվում է նաև անհատական հանդիպում Վրաստանի վարչապետի և ԱՀ նախագահ Իլհամ Ալիևի միջև։ Հանդիպման ավարտին տեղի կունենա համատեղ մամուլի ասուլիս։
Իրակլի Կոբախիձեի գլխավորած վրացական պատվիրակության կազմում են նաև Վրաստանի կառավարության առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլին, արտաքին գործերի նախարար Մակա Բոչորիշվիլին, շրջակա միջավայրի և գյուղատնտեսության նախարար Դավիթ Սոնգուլաշվիլին, մշակույթի նախարար Թինաթին Ռուխաձեն և «Վրաստանի կառավարության» վարչակազմի ղեկավար Լևան Ժորժոլիանին»,- ասվում է հաղորդագրության մեջ։
News.am