Իսրայելի ԱԳ նախարարը հայտարարել է ՄԱԿ-ի Մարդու իրավունքների խորհրդից դուրս գալու մասին

Իսրայելի արտգործնախարար Գիդեոն Սաարը, հետևելով ԱՄՆ-ին, հայտարարել է ՄԱԿ-ի Մարդու իրավունքների խորհրդից Իսրայելի դուրս գալու մասին:

«Իսրայելը ողջունում է նախագահ Թրամփի՝ ՄԱԿ-ի Մարդու իրավունքների խորհրդի աշխատանքներին չմասնակցելու որոշումը։ Իսրայելը միանում է Միացյալ Նահանգներին և չի մասնակցի ՄԱԿ-ի Մարդու իրավունքների խորհրդին»,-ասել է Սաարը X սոցիալական ցանցում:

Ավելի վաղ ԱՄՆ նախագահ Դոնալդ Թրամփը հրամանագիր էր ստորագրել ՄԱԿ-ի Մարդու իրավունքների խորհրդից և Պաղեստինցի փախստականների օգնության մերձավորարևելյան գործակալությունից ԱՄՆ-ի դուրս գալու մասին:

Sputnik Արմենիա