Զելենսկի․ Ուկրաինան կարող է Ռուսաստանին տարածքների փոխանակում առաջարկել

Ուկրաինան կարող է Ռուսաստանին տարածքների փոխանակում առաջարկել: Խոսքը Կուրսկի մարզի մի մասն օկուպանտների կողմից վերահսկվող ուկրաինական տարածքի հետ փոխանակելու մասին է, The Guardian-ին տված հարցազրույցում հայտարարել է Ուկրաինայի նախագահ Վլադիմիր Զելենսկին։

Ըստ Ուկրաինայի նախագահի՝ եթե Ռուսաստանի հետ բանակցություններ սկսվեն, նա ծրագրում է Մոսկվային տարածքների ուղղակի փոխանակում առաջարկել։ Կիևը ուկրաինական տարածքների դիմաց կառաջարկի Կուրսկի մարզի մի մասը, գրում է РБК-Украина-ն։

«Մի տարածքը կփոխանակենք մեկ ուրիշ տարածքի հետ»,- նշել է նա։

Միաժամանակ, Զելենսկին պարզաբանել է, որ դեռ չգիտի, թե օկուպացված տարածքների ո՞ր մասն է Ուկրաինան պահանջելու դրա դիմաց։

«Չգիտեմ, կտեսնենք։ Բայց մեր բոլոր տարածքները կարևոր են, առաջնահերթություն չկա»,- հավելել է Զելենսկին։

News.am