Տիգրան ԱԲՐԱՀԱՄՅԱՆ․ ԻՇԽԱՆՈՒԹՅՈՒՆՆԵՐԸ ԱՆՀԱՐԳԱԼԻՑ ԵՆ ՂԱՐԱԲԱՂԻ ՊԱՇՏՊԱՆՈՒԹՅԱՆ ԲԱՆԱԿԻ ՊԱՏՄՈՒԹՅԱՆ ՀԱՆԴԵՊ
ՀՀ Զինված ուժերի Գլխավոր շտաբի պետի խորհրդական Կամո Վարդանյանի լռությունը՝ կապված վերջին հայտարարությունների հետ, թե ղարաբաղցիները չեն կռվել և չեն մարտնչել, լուրջ մտահոգություն է առաջացնում։ Այս մասին փետրվարի 13-ին Ազգային ժողովում ավանդական ճեպազրույցներում հայտնել է ընդդիմադիր պատգամավոր, Հայաստանի Հանրապետական կուսակցության անդամ Տիգրան Աբրահամյանը։
«Եթե Պաշտպանության բանակը ոչ մի մարտական առաջադրանք չի կատարել, ապա շատ հարցեր են ծագում։ Օրինակ, ինչպե՞ս եղավ, որ Ղարաբաղի պաշտպանության բանակի հրամանատարական կազմի մի զգալի մասը շարունակում է ծառայել ՊՆ-ում կամ ՀՀ ԶՈւ Գլխավոր շտաբում։ Եթե այս մարդիկ չեն կռվել, չեն լուծել մարտական խնդիրները, եթե կատարել են հանցավոր արարքներ, ապա ինչպես են այսօր բարձր պաշտոններ զբաղեցնում Զինված ուժերի ղեկավարությունում»,- հարցրել է Աբրահամյանը։
Նա խնդրահարույց է համարում նաև ԶՈւ Գլխավոր շտաբի, մասնավորապես՝ նրա պետի լռությունը։ «Այսօր այդ մարդիկ հանդուրժում են անհարգալից վերաբերմունքը թե՛ Ղարաբաղի Պաշտպանության բանակի, թե՛ նրա մարտիկների, հրամանատարների, կամավորականների ու զինվորականների նկատմամբ»,- դժգոհել է ընդդիմադիր գործիչը։