Չինաստանում նոր կորոնավիրուս է հայտնաբերվել չղջիկների մոտ

Չինաստանի վարակաբանները չղջիկների նոր կորոնավիրուս են արձանագրել, որը կարող է վարակել մարդկանց COVID-19-ի նման։

Ըստ «South China Morning Post»-ի՝ այս վիրուսը HKU5 կորոնավիրուսի նոր շարքն է, որն առաջին անգամ հայտնաբերվել է Հոնկոնգում ճապոնական չղջիկի մոտ:

Վիրուսի ուսումնասիրությունն անցկացվել է Գուանչժոուի լաբորատորիայում՝ Չինաստանի գիտությունների ակադեմիայի Գուանչժոուի մասնաճյուղի, ինչպես նաև Ուհանի համալսարանի և Ուհանի վիրուսաբանության ինստիտուտի մասնագետների հետ միասին։

Գիտնականները պարզել են, որ չղջիկների նմուշներից առանձնացրած վիրուսը կարող է վարակել մարդու բջիջները։

Sputnik Արմենիա