Սերգեյ Լավրովը Անկարայում հանդիպել է Ֆիդանի հետ

Ռուսաստանի արտգործնախարար Սերգեյ Լավրովը Անկարայում հանդիպել է Թուրքիայի արտգործնախարար Հաքան Ֆիդանի հետ։

Ռուսաստանցի նախարարը Անկարա է ժամանել փետրվարի 23-ին, այցից մի քանի օր առաջ նա արդեն հանդիպել էր Ֆիդանի հետ՝ ի թիվս այլ հարցերի, քննարկելով Ռուսաստանի և ԱՄՆ-ի միջև խորհրդակցությունների արդյունքները, Ուկրաինայի և Սիրիայի շուրջ բանակցային գործընթացը՝ թուրքական կողմի՝ ուկրաինական կարգավորման հարցով գագանաժողով ընդունելու պատրաստակամության ֆոնին, ԱՄՆ մասնակցությամբ, գրել է «ՌԻԱ Նովոստին»:

Բացի այդ, այցը տեղի է ունենում Դամասկոսի նոր իշխանությունների հետ կապեր հաստատելու Մոսկվայի ցանկության ֆոնին, մինչդեռ Թուրքիան, Բաշար Ասադի հեռանալուց հետո, ավելի սերտ կապեր ունի սիրիական կողմի հետ։

Թուրքական լրատվամիջոցները տեղեկացրել են, որ հանդիպումներում հիմնականում երկու հարց է քննարկվելու՝ Սիրիան և ռուս-ուկրաինական հակամարտությունը։

Թուրքական Hürriyet թերթի իրազեկ աղբյուրը, հիշեցնելով 2022թ. մարտին Ստամբուլում հակամարտող ռուս և ուկրաինական կողմերին ընդունելու փաստը, նշել է, որ այս անգամ Անկարան կփորձի կողմերի միջև միջնորդի դեր ստանձնել։ Թուրքական կողմը մտադիր է նաև իր ներդրումն առաջարկել ԱՄՆ-ի և Ռուսաստանի միջև տեղի ունենալիք գործընթացում։

News.am