Էրդողան․ Սպասում ենք Հայաստանի և Ադրբեջանի միջև մնայուն խաղաղության պայմանագրին

Թուրքիայի նախագահ Ռեջեփ Թայիփ Էրդողանը խոսել է Հարավային Կովկասից և անդրադարձել Հայաստան–Ադրբեջան հակամարտությանը։

Թուրքական DHA գործակալության փոխանցմամբ՝ Թուրքիայի նախագահը դիվանագետների հետ Ռամադանի ընթրիքին նվիրված հանդիպմանը խոսել է տարածաշրջանի զարգացումներից։

Էրդողանն անդրադարձել է նաև Հարավային Կովկասին՝ նշելով, թե Թուրքիան ջանքերը մեծացրել է Հարավային Կովկասում բարգավաճում և կայունություն ապահովելու համար։ Հայաստանի հետ հարաբերությունների կարգավորման հետ կապված, Էրդողանը շեշտել է, թե սպասում են Հայաստանի և Ադրբեջանի միջև մնայուն խաղաղության համար պայմանագրին։

News.am