Մակրոն․ Ֆրանսիան 2 միլիարդ եվրո արժողությամբ ռազմական օգնության նոր փաթեթ կտրամադրի Ուկրաինային

Ֆրանսիան Ուկրաինային ռազմական օգնության նոր փաթեթ է կտրամադրի: Դրա չափը կազմում է 2 միլիարդ եվրո, ըստ РБК-Украина-ի՝ հայտարարել է Ֆրանսիայի նախագահ Էմանուել Մակրոնը ուկրաինացի գործընկեր Վլադիմիր Զելենսկու հետ համատեղ մամուլի ասուլիսում։

«Այսօր ես կցանկանայի հայտարարել Ուկրաինային աջակցության նոր փաթեթի մասին՝ 2 միլիարդ եվրոյի չափով: Այդ աջակցությունը պետք է համապատասխանի Ուկրաինայի զինված ուժերի առաջնահերթ կարիքներին», -հայտարարել է Մակրոնը։

Ո՞ւր կգնան Ուկրաինային հատկացվող 2 միլիարդ եվրոյի աջակցությունը.

հակատանկային MILAN հրթիռներ;

ՀՕՊ համակարգեր՝ MICA հրթիռներ;

հրթիռներ ավիացիայի համար (սարքավորումներ Mirage ինքնաթիռների համար);

ցամաքային պաշտպանության Mistral հրթիռներ;

AMX-10RC զրահամեքենաներ;

ռազմամթերք, դրանց թվում՝ հեռակառավարվող սարքավարումներ:

Կֆինանսավորվի նաև տեխնիկայի արտադրությունը Ուկրաինայում՝ ֆրանսիական պաշտպանական ընկերությունների հետ համագործակցությամբ։

Հիշեցնենք, որ Զելենսկին այսօր այցելել է Ֆրանսիա՝ նախապատրաստվելու անվտանգության գագաթնաժողովին։

Մարտի 27-ին Փարիզում տեղի կունենա «կամավորների կոալիցիայի» գագաթնաժողովը։ Մասնակիցները Ուկրաինային աջակցելու ավելի որոշակի քայլեր կքննարկեն։ Դրան կմասնակցի նաև Զելենսկին։

News.am