Ադոնց․ Ռուսաստանի հայերի միության նախագահին թույլ են տվել մուտք գործել Հայաստան

Ռուսաստանի հայերի միության նախագահ Արա Աբրահամյանը բացահայտորեն իր կարծիքն է հայտնում Հայաստանում տեղի ունեցող իրադարձությունների, ինչպես նաև հայ-ռուսական հարաբերություններին առնչվող գործընթացների վերաբերյալ։

Դրա մասին մարտի 28-ին լրագրողների հետ զրույցում ասաց ՀՀ նախկին փոխարտգործնախարար Ավետ Ադոնցը՝ մեկնաբանելով Աբրահամյանի՝ Հայաստան մուտքի արգելքը։

Նշենք, որ Աբրահամյանին թույլ են տվել մուտք գործել Հայաստան։ Նա օդանավակայանում անցկացրել է մոտ երեք ժամ։

«Այլ պատճառներ չեմ տեսնում։ Ես ոչինչ չգիտեմ, այլ ասում եմ այն, ինչ մտածում եմ», -նշել է Ադոնցը։

Ըստ նրա՝ Աբրահամյանը Երևան է ժամանել Մոսկվայից:

«Ոչ մի բացատրություն չի տրվել։ Դա հակասում է օրենքին։ Նման ռեժիմը, որը կիրառվել է, կիրառվում է միայն այն դեպքում, երբ կատարվում է իրավախախտում, մի բան, որ չի եղել։ Ավելին, նույնիսկ խախտում չի արձանագրվել։ Սա արդեն երկրորդ նման դեպքն է։

Առաջինը տեղի ունեցավ 2024 թվականի դեկտեմբերին։ Այն ժամնաակ քաղաքագետ Անդրանիկ Միհրանյանը մտադիր էր Հայաստան այցելել Աբրահամյանի հետ, որը ցանկանում էր այցելել ծնողների շիրիմներին, սակայն վերջինիս թույլ չտվեցին մուտք գործել երկիր։

Այն ժամանակ կարծիք էր շրջանառվում, թե Միհրանյանին արգելել են մուտք գործել, քանի որ Արա Աբրահամյանն իր հետ է եղել»,- ընդգծել է Ադոնցը։

News.am