Մանե Թանդիլյան. Թող որ վերջապես սկիզբ դրվի ՔՊ-ից մեր հայրենիքը ազատագրելու ժամանակաշրջանը (ՏԵՍԱՆՅՈՒԹ)

«Ապրելու երկիր» կուսակցության համահիմնադիր Մանե Թանդիլյանը գրում է.

«Փարաքար համայնքի սիրելի բնակիչներ, հարգելի հայրենակիցներ,

Փարաքար համայնքի ավագանու ընտրություններում մեր թիմը հաղթեց՝ հավաքելով 57% ձայն։

Շնորհակալ ենք բոլորից աջակցության համար, այս բարդ ճանապարհին միասնական լինելու համար։

Շուտով պարզ կդառնան նաև Գյումրիի արդյունքները, և կան բոլոր հիմքերը արձանագրելու, որ Գյումրին նույնպես ՔՊ չի ընտրել, ու ընդդիմադիրները պարտավոր են պաշտպանել ազատագրված Գյումրին։

Թող որ վերջապես սկիզբ դրվի ՔՊ-ից մեր հայրենիքը ազատագրելու ժամանակաշրջանը»։

Հիշեցնենք, որ Փարաքարում ընտրություններին մասնակցում էր քաղաքական չորս ուժ՝ «Քաղաքացիական պայմանագիր» (ցուցակը գլխավորում է Լյուդվիգ Գյուլնազարյանը), «Ազգային առաջընթաց» (ցուցակը գլխավորում էԴավիթ Մինասյանը), «Կայունություն» կուսակցությունը (ցուցակը գլխավորում է Գոռ Սարիբեկյանը) և «Միասնություն» կուսակցությունների դաշինքը՝ կազմված «Ապրելու երկիր» և «Հաղթանակ» կուսակցություններից (ցուցակը գլխավորում է Վալոդյա Գրիգորյանը):

ԿԸՀ հաղորդմամբ, Արմավիրի մարզի Փարաքար համայնքի ավագանու ընտրություններին մասնակցել է 11526 ընտրական իրավունք ունեցող անձ կամ ընտրողների 54.97%-ը(նախնական տվյալներ): Փարաքարում ընտրական իրավունք ունի 20967 անձ:

Panorama.am