ԿԸՀ-ն ներկայացրել է Գյումրու բոլոր ընտրատեղամասերի նախնական տվյալները

ՀՀ կենտրոնական ընտրական հանձնաժողովը ներկայացրել է Գյումրիում անցկացված ՏԻՄ արտահերթ ընտրությունների նախնական արդյունքները։

Թե քաղաքական ուժերից որն ինչքան քվե է ստացել, ներկայացնում ենք ստորև.

- «Քաղաքացիական պայմանագիր» կուսակցություն – 17 183,

- Հայաստանի կոմունիստական կուսակցություն – 9 727,

- «Ապրելու երկիր» կուսակցություն –1 694,

- «Մայր Հայաստան» կուսակցությունների դաշինք – 2 902,

- «Հայաստանի աշխատավորական սոցիալիստական կուսակցություն» – 651,

- «Եվրադաշինք» կուսակցությունների դաշինք – 2 111,

- «Դեմոկրատական այլընտրանք» կուսակցություն – 1 406,

- «Մեր քաղաքը» կուսակցությունների դաշինք – 7 380,

- «Իմ հզոր համայնք» կուսակցություն – 3 734։

Հիշեցնենք` մարտի 30-ին Գյումրի խոշորացված համայնքում ավագանու ընտրություններ են անցկացվել։ Ընտրություններին մասնակցել է 6 կուսակցություն և 3 դաշինք։

Անցողիկ շեմը հաղթահարել են «Քաղաքացիական պայմանագիր» կուսակցությունը, ՀԿԿ–ն, «Մայր Հայաստան» և «Մեր քաղաքը» դաշինքները, ինչպես նաև «Իմ հզոր համայնք» կուսակցությունը։

Նախնական հաշվարկների համաձայն` մանդատները բաշխվում են այս համամասնությամբ` ՔՊ (թեկնածուն` Սարիկ Մինասյան) - 14, ՀԿԿ (Վարդան Ղուկասյան) - 8, «Մայր Հայաստան» (Կարեն Սիմոնյան) - 2, «Մեր քաղաքը» (Մարտուն Գրիգորյան) - 6, «Իմ հզոր համայնք» (Ռուբեն Մխիթարյան) -3։

«Մայր Հայաստանը» և «Իմ հզոր» համայնքը» հայտարարել են Հայաստանի կոմունիստական կուսակցությանը միանալու մասին։

Sputnik Արմենիա