Ֆրանսիան և Մեքսիկան ողջունել են ՄԱԿ-ի ԱԽ-ում վետոյի իրավունքը սահմանափակելու ՀՀ որոշումը

Ֆրանսիան և Մեքսիկան ողջունում են Հայաստանի որոշումը՝ աջակցելու ՄԱԿ-ի Անվտանգության խորհրդում վետոյի իրավունքի կիրառման սահմանափակմանը զանգվածային վայրագությունների դեպքերում։

Այս հայտարարությունը ցույց է տալիս հավատարմությունը արդյունավետ բազմակողմ համակարգին՝ ելնելով նման իրավիճակներում գործելու Անվտանգության խորհրդի գործունակության շահերից: Դրա մասին ասված է Ֆրանսիայի ԱԳՆ կայքում հրապարակված հայտարարության մեջ։

Ֆրանսիան, որը ապրիլի 1-ին մեկ ամսով ստանձնում է Անվտանգության խորհրդի նախագահությունը, 2015 թվականին պարտավորվել է չօգտագործել վետոյի իրավունքը զանգվածային վայրագությունների դեպքում։

Այս տարվանից մենք Մեքսիկայի հետ խթանում ենք մի նախաձեռնություն, որը ստացել է 107 երկրների աջակցությունը։ Նրա 10-ամյակը կնշվի այս տարի ՄԱԿ-ի Գլխավոր ասամբլեայի 80-րդ նստաշրջանի բարձր մակարդակի շաբաթվա ընթացքում»,- ասված է հայտարարության մեջ:

News.am