Պեսկով․ Առայժմ չկա Պուտինի և Թրամփի հանդիպման մասին հստակ պատկերացում

Դեռևս հստակ պատկերացում չկա Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հնարավոր հանդիպման օրվա և ժամի մասին։ Մոսկվայի և Վաշինգտոնի միջև շփումները շարունակվում են տարբեր մակարդակներով։ Այս մասին ՏԱՍՍ-ի հարցին ի պատասխան հայտնել է ՌԴ նախագահի մամուլի քարտուղար Դմիտրի Պեսկովը։

«Առայժմ չկա հստակ պատկերացում Պուտինի և Թրամփի հնարավոր հանդիպման օրվա և ժամի մասին, որևէ կոնկրետ բան ես չեմ կարող ձեզ ասել այս հարցի վերաբերյալ: Մենք շարունակում ենք շփումներն ամերիկացիների հետ տարբեր մակարդակներով և տարբեր ուղիներով»,- ասել է Կրեմլի ներկայացուցիչը:

News.am