Շտայնմայերի համար Ղարաբաղն Երևանում հայկական է, Բաքվում՝ ադրբեջանական
Գերմանիայի նախագահ Ֆրանկ-Վալտեր Շտայնմայերը Ղարաբաղը ադրբեջանական է անվանել այն գրառումից հետո, որտեղ ասվում է, որ տարածաշրջանը պետք է պատկանի Հայաստանին։ Այս մասին նա հայտարարել է Ադրբեջանի նախագահ Իլհամ Ալիևի հետ անհատական բանակցություններից հետո, հաղորդում է Report-ը։
«Մենք միշտ ասել ենք, որ սա ձեր [ադրբեջանական] տարածքն է, և այսօր մենք հաստատում ենք Գերմանիայի այս ուղղակի և հստակ դիրքորոշումը», - ասել է Գերմանիայի նախագահը։
Գերմանիայի նախագահը շնորհավորել է Ադրբեջանին և Հայաստանին խաղաղության պայմանագրի տեքստը համաձայնեցնելու կապակցությամբ։
Նա կոչ է արել Բաքվին և Երևանին բաց չթողնել պահը և որքան հնարավոր է շուտ ստորագրել համաձայնագիրը։
«Շատ մեծ քայլ արվեց: Ես խոսեցի նախագահ Ալիևի հետ և հույս հայտնեցի, որ շուտով մենք կկարողանանք ականատես լինել խաղաղության պայմանագրի ստորագրմանը, և որ կգա տևական խաղաղություն։ Ես մեծ հույսեր ունեմ և կողմերին կոչ եմ անում բաց չթողնել այս պահը՝ չնայած բոլոր դժվարություններին ու մարտահրավերներին», - ասել է Շտայնմայերը։
Նրա կարծիքով, կողմերը պետք է քաղաքական կամք դրսևորեն գործընթացն ավարտին հասցնելու համար։ «Վստահ եմ, որ դա տեղի կունենա»։
News.am