ՓՈՐՁԱԳԵՏ. ՀԱՅԱՍՏԱՆԸ ԱԴՐԲԵՋԱՆՈՎ ՓՈԽԱՐԻՆԵԼԸ ՀԱՆԳԵՑՐԵԼ Է ՏԱՐԱԾԱՇՐՋԱՆՈՒՄ ՌՈՒՍԱՍՏԱՆԻ ՆԵՐԿԱՅՈՒԹՅԱՆ ՆՎԱԶՄԱՆԸ
Որոշ ժամանակ առաջ տարբեր մարդկանց մտքում (Ռուսաստանում - խմբ.) գաղափար կար տարածաշրջանում Հայաստանը փոխարինել Ադրբեջանով, քանի որ դա ավելի հուսալի կլիներ, քանի որ ստորագրվել էր 2022 թվականի համագործակցության մասին հռչակագիրը, բայց հիմա մենք տեսնում ենք, թե ինչ է կատարվում Ադրբեջանում, տեսնում ենք, թե ինչպես է Ռուսաստանի ներկայությունը տարածաշրջանում կրճատվում: Այս մասին ապրիլի 2-ին Երևանում կայացած քննարկման ժամանակ հայտարարեց քաղաքագետ Սերգեյ Մելքոնյանը:
«Երբ Ռուսաստանը սկսեց խնդիրներ ունենալ Ուկրաինայում, հաջորդ օրը մենք տեսանք ադրբեջանական գնդակոծությունը Արցախի և Հայաստանի ուղղությամբ։
Եվրոպական ուղղությամբ առաջին էսկալացիայից հետո Ռուսաստանը կորցրեց իր ներկայությունը Արցախում, իսկ երկրորդ էսկալացիայի հետևանքով Ռուսաստանը կարցրեց Սիրիան:
Ռուսաստանը չի կարողանում մոբիլիզացնել ռեսուրսները, երբ կա ռազմական գործողությունների հիմնական և առնվազն մեկ երկրորդական հարթակ»,- նշեց փորձագետը։
Նրա խոսքով, Ռուսաստանը հնարավորություն ուներ կանխելու 2022 թվականի Պրահայի հայտարարության ստորագրումը։
«Սա Ռուսաստանին կհանե՞ր Ադրբեջանի դեմ, իհարկե, շահերի բախում կար, Ադրբեջանն ուզում էր ամբողջությամբ դուրս բերել ռուս խաղաղապահներին Արցախից, բայց Ռուսաստանը ցանկանում էր մնալ այնտեղ, և շահերը պետք է պաշտպանել»,- հավելեց Մելքոնյանը։