Ժան-Նոել Բարո. Իրանի հետ պատերազմը անխուսափելի է, եթե մոտ ժամանակներս միջուկային գործարք չկնքվի

Իրանի միջուկային ծրագիրը զսպելու համար նոր համաձայնագրի հասնելու հնարավորությունները փոքր են, և եթե այն չհաջողվի, ռազմական առճակատումը «գրեթե անխուսափելի» է թվում, ըստ Reuters-ի՝ չորեքշաբթի հայտարարել է Ֆրանսիայի արտգործնախարար Ժան-Նոել Բարոն:

«Մենք ընդամենը մի քանի ամիս ունենք մինչև այդ համաձայնագրի (2015 թվականի) ժամկետի ավարտը,- նշել է նա խորհրդարանական լսումների ժամանակ։ -Եթե դա չհաջողվի, ռազմական առճակատումը, հավանաբար, գրեթե անխուսափելի կլինի»:

Բարոն հավելել է, որ Իրանի դեմ Եվրամիության նոր պատժամիջոցները՝ Իսլամական Հանրապետությունում օտարերկրյա քաղաքացիների կալանավորման առնչությամբ, նույնպես կհաստատվեն առաջիկա շաբաթներին։

News.am