Դավիթ Բաբայան․ Հայերի ինտեգրումն Ադրբեջանում անհնար էր

Ադրբեջանական լրատվամիջոցները, որոնց թույլ են տվել մասնակցել Բաքվում Լեռնային Ղարաբաղի Հանրապետության նախկին ղեկավարների անօրինական դատավարությանը, հրապարակում են սուղ տեղեկություններ դատական ֆարսից։

Այսօր տեղի է ունենում ԱԳՆ նախկին ղեկավար, ԼՂՀ նախագահի նախկին խորհրդական Դավիթ Բաբայանի հարցաքննությունը։

«Դավիթ Բաբայանը, պատասխանելով պետական մեղադրողի հարցին, խոստովանել է, որ հանդես է եկել Ադրբեջանում (ԼՂՀ) հայ բնակիչների ինտեգրման դեմ»,- մեջբերել են լրատվամիջոցները, ըստ երևույթին ենթադրելով, որ այդ հաստատումը կարող է օգտագործվել մեղադրանքի կողմից։ Դավիթ Բաբայանը նաև խոստովանել է, որ մյուս մեղադրյալները՝ Արայիկ Հարությունյանը, Ռուբեն Վարդանյանը և Լեռնային Ղարաբաղի մյուս պաշտոնատար անձինք դեմ են հանդես եկել ինտեգրմանը։ «Ոչ մի պաշտոնատար անձ նման ինտեգրման հեռանկար չի տեսել»,- հայտնել է նա։

Մինչդեռ, Դավիթ Բաբայանի հենց այս միտքն են «փայլուն» կերպով հաստատել Ադրբեջանի իշխանությունները. ագրեսիաների շարքից, 44-օրյա պատերազմից հետո Բաքուն 2023թ. սեպտեմբերին օկուպացրեց Լեռնային Ղարաբաղը՝ վտարելով ողջ 140 հազարանոց հայ բնակչությանը։ Լեռնային Ղարաբաղի խաղաղ բնակիչների դեմ կիրառվեցին սպառազինությունների բոլոր հնարավոր տեսակները, հայ բնակչությունը լքեց հայրենի օջախները ցեղասպանության սպառնալիքի տակ։ Ադրբեջանի իշխանությունների ցեղասպանածին գործողությունների փաստեր են գրանցվել նաև ռուս խաղաղապահների կողմից։ Ավելին, առնվազն հինգ ռուս խաղաղապահ, որոնք դարձել են առանձին հայկական գյուղերի խաղաղ բնակիչների սպանությունների վկաները, ոչնչացվել են ադրբեջանցիների կողմից։

News.am