ԱՄՆ-ում ուժի մեջ են մտել անհատական բարձրացված մաքսատուրքերը 57 երկրների համար

ԱՄՆ-ում անհատական ​​բարձրացված մաքսատուրքերն ուժի մեջ են մտել այն երկրների համար, որոնց հետ ամերիկյան իշխանությունները գրանցել են առևտրի ամենամեծ դեֆիցիտը։

Դա վերաբերում է 57 երկրների ապրանքներին։ Սակագները տատանվելու են 11-50 տոկոսի սահմաններում։ Այս միջոցները կանդրադառնան, մասնավորապես, Ճապոնիայի (ընդհանուր մաքսատուրքը կկազմի 24 տոկոս), ԵՄ-ի (20 տոկոս), ինչպես նաև ԱՄՆ հիմնական առևտրային գործընկերների՝ Վիետնամի (46 տոկոս), Հնդկաստանի (27 տոկոս) և Հարավային Կորեայի (25 տոկոս) վրա:

Չինաստանի համար մաքսատուրքերը սկզբում սահմանվել էին 34 տոկոս, սակայն Պեկինը հետագայում հայելային տուրք սահմանեց, իսկ Սպիտակ տան ղեկավար Դոնալդ Թրամփը սպառնացել է էլ ավելի բարձրացնել դրույքաչափը: Ավելի ուշ լրատվամիջոցները հայտնել են, որ ԱՄՆ-ը մտադիր է չինական ապրանքների մաքսատուրքերը հասցնել 104 տոկոսի։ Սպիտակ տան մամուլի քարտուղար Քերոլայն Լիվիթը երեքշաբթի հաստատել է լուրը՝ ավելացնելով, որ ավելի խիստ մաքսատուրքերն ուժի մեջ կմտնեն չորեքշաբթի, տեղական ժամանակով վաղ առավոտյան։

Միաժամանակ, Թայվանի համար մաքսատուրքերի չափը կկազմի 32 տոկոս։

News.am