Բազեյան․ Ապրիլի 24-ին պետք է փակել Փաշինյանի ճանապարհը դեպի Ծիծեռնակաբերդ (ՏԵՍԱՆՅՈՒԹ)

Մեր համար շատ ուրախալի էր մարտի 29-ին արցախցիների կազմակերպված հզոր հանրահավաքը մարդկանց քանակի առումով: Այս մասին հայտարարել է ԵԿՄ նախկին փոխնախագահ, Երևանի նախկին քաղաքապետ Ալբերտ Բազեյանը:

«Երկրորդը Փարաքար խոշորացված համայնքում Նիկոլ Փաշինյանի ներկայացուցիչը պարտություն կրեց, իսկ Գյումրիում Նիկոլը չկարողացավ իր Սարիկին դարձնել քաղաքապետ:

Գյումրիում ապրիլի 16-ին լինելու է ավագանու նիստը և բնականաբար ընդդիմության ներկայացուցիչ Վարդան Ղուկասյանը վերընտրվելու է Գյումրիի քաղաքապետ։ Նա մեկ անգամ եղել է Գյումրիի քաղաքապետ և փորձ ունի։

Հաջորդը, Նիկոլ Փաշինյանն ուրանում է Հայոց ցեղասպանությունը: Մենք հանդես ենք գալու հայտարարությամբ, որ ապրիլի 24-ին ցեղասպանության զոհերի հիշատակի օրը պետք է փակել Նիկոլ Փաշինյանի և նրա վարչախմբի ճանապարհը ու չթողնել նրանց գնալու Ցեղասպանության զոհերի հիշատակը հարգելու»,-ասաց նա:

News.am