Դադունց․ Այս պահին Սահմանադրության նախաբանի փոփոխման հարց չի քննարկվում
Այս պահին Սահմանադրության նախաբանի փոփոխման հարց չի քննարկվում։ Այսօր կառավարության նիստից հետո ճեպազրույցի ժամանակ ասաց արդարադատության նախարարի տեղակալ Տիգրան Դադունցը։
«Քանի որ գրվելու է նոր Սահմանադրություն, բնականաբար, այնտեղ չպիտի այնպիսի դրույթներ լինեն, որոնք կարող են արմատական ազդեցություն ունենալ Հայաստանի Հանրապետության՝ որպես պետության գոյության առումով և իրավաքաղաքական լուրջ ցնցումների հանգեցնեն»,- նշեց Դադունցը՝ անդրադառնալով այն հարցին, թե ինչ նկատի ուներ արդադատության նախարար Սրբուհի Գալյանը, երբ ասում էր, որ նոր Սահմանադրությունը չպետք է վտանգի խաղաղության պայմանագիրը։
Ինչ վերաբերում է Իլհամ Ալիևի մեղադրանքներին, թե գործող Սահմանադրությունը խանգարում է խաղաղության պայմանագրին, Դադունցը նշեց՝ հարգում է ՀՀ Սահմանադրական դատարանի կայացրած որոշումն ու ավելացնելու բան այս առումով չունի։
Sputnik Արմենիա