Իսրայելում հույս ունի Ադրբեջանի օգնությամբ կանխել Թուրքիայի հետ պատերազմը

Իսրայելի և Թուրքիայի միջև պատերազմը հնարավոր է կանխել Ադրբեջանի օգնությամբ, գրում է իսրայելական The Jerusalem Post պարբերականը։

«Ադրբեջանի նախագահ Իլհամ Ալիևը մտահոգություն է հայտնել Իսրայելի և Թուրքիայի միջև աճող լարվածության առնչությամբ և ընդգծել, որ Ադրբեջանը երկար ժամանակ եղել է երկու ժողովուրդների մտերիմ բարեկամը և անում է հնարավորը լարվածությունը թուլացնելու և հաշտեցմանը նպաստելու համար։

Իսրայելն այժմ կանգնած է Թուրքիայի հետ լարվածության նոր ալիքի առաջ։ Դա հատկապես տագնապալի է՝ հաշվի առնելով Սիրիայում Թուրքիայի ընդլայնված ռազմական և քաղաքական ներկայությունը, ինչը նրան փաստացի դարձնում է Իսրայելի հյուսիսային հարևանը»,-գրում է իսրայելական պարբերականը։

News.am