ՀՀԿ պատվիրակությունը Մոսկվայում հարգանքի տուրք է մատուցել Անհայտ զինվորի հուշարձանին

Հայաստանի Հանրապետական կուսակցության պատվիրակությունը Մոսկվայում հարգանքի տուրք է մատուցել Անհայտ զինվորի հուշարձանին: Այդ մասին «Ֆեյսբուքի» իր էջում գրառում է արել ՀՀԿ ԳՄ անդամ Էդուարդ Շարմազանովը։

Նա նշել է, որ Մոսկվայում անցկացվող «Միասնական Ռուսաստան» կուսակցության նախաձեռնած Մեծ Հաղթանակի 80-ամյակին նվիրված միջազգային համաժողովի շրջանակներում ՀՀԿ պատվիրակության ներկայացուցիչներ՝ Տիգրան Աբրահամյանը, Հայկ Դերզյանը և ինքն այցելել և հարգանքի տուրք են մատուցել Անհայտ զինվորի հուշարձանին։

Նշենք, որ պատվիրակության անդամները միջազգային կոնֆերանսին հանդես կգան ելույթներով, ինչպես նաև հանդիպումներ կունենան «Единая Россия»-ի անդամների հետ:

Sputnik Արմենիա