Իրանագետ․ Իրանի նախագահը Ադրբեջանին հասկացրել է, որ ձեր ժողովուրդն է Իրանի մաս, ոչ թե հակառակը
Երբ Իրանի նախագահը հայտարարում է, որ երրորդ կողմերին թույլ չենք տա, որ Ադրբեջանի հետ հարաբերությունների մեջ խնդիր ստեղծեն, ուղիղ նկատի ունի Իսրայելին: Այս մասին NEWS.am-ի հետ զրույցում նշեց իրանագետ Փույա Հոսեյնին:
«Մենք տեսնում ենք, որ տարիներ շարունակ Ադրբեջանը Իրանի թուրքախոս ժողովրդին սրում է, ուզում է Իրանի Հյուսիսային Ադրբեջանը Հարավային Ադրբեջան դարձնել: Դրա համար է Իրանի նախագահը այդպիսի բաներ խոսել, այսինքն հասկացրել է, որ եթե անգամ սահման չլինի, ձեր ժողովուրդն է Իրանի մաս, ոչ թե Իրանի թուրքախոս ժողովուրդը կարող է Ադրբեջանի մաս լինել: Դրանով Իրանը չեզոքացնում է ադրբեջանական քարոզչականությունը»,-ասաց նա:
Աբդրադառնալով նրան, որ Իրանը հայտարարել է, որ Ադրբեջանի դեսպանատան վրա հարձակում իրականացրած անձին պահապատժի են ենթարկել, ինչը պահանջում էր Ադրբեջանը, Հոսեյնին նկատեց. «Այդ մահապատիժը Ադրբեջանի պահանջով չի եղել, դա Իրանի սահմանադրությունը և օրենքներն են պահանջում: Ադրբեջանը շարունակում է է Իրանին մեղադրել, որ Իրանն է այդ ահաբեկչության հետևում կանգնած, սակայն Ադրբեջանի նման շանտաժները չեն ազդել Իրանի վրա:
Ադրբեջանի հետ հարաբերություններում Իրանի ջանքերը ավելի շատ զսպողական են, իսկ հայաստանի հետ հարաբերությունները Իրանի կողմից աջակցական է, եղբայրական է: Մենք նաև գիտենք, որ Ազրբեջանը ռազմական, հետախուզական, քաղաքական համագործակցություն ունի Իրանի ոխերիմ թշնամի Իսրայելի հետ, դրա համար Իրանի բոլոր դիվանագիտական հարաբերություններն ուղղված են Ադրբայջանից եկող վտանգը չեզոքացնելուն, կանխելուն»: