Հայ-վրացական սահմանի անցակետում ժամանակավորապես դադարեցված է բեռնատարների մուտքը և ելքը

Հայ-վրացական սահմանի Գոգավան-Գուգութի անցակետում ժամանակավորապես դադարեցված է բեռնատարների մուտքը և ելքը։ Տեղեկությունը հայտնում է Հայաստանի պետական եկամուտների կոմիտեն։

«Վրացական կողմի մալուխի վնասման հետևանքով խափանվել է ինտերնետային կապն այդ տարածքում, ինչի պատճառով որոշ ժամանակով չի գործի անցակետը»,– ասված է հաղորդագրությունում։

Կոմիտեն տնտեսվարողներին հորդորում է առայժմ զերծ մնալ Գոգավան-Գուգութի անցակետով բեռնատար տրանսպորտային միջոցների երթևեկության կազմակերպումից, մինչև կվերականգնվի ինտերնետային կապը։

Sputnik Արմենիա