Օմանի ԱԳՆ․ Եմենն և ԱՄՆ-ում պայմանավորվել են հրադադար հաստատել

Եմենի հյուսիսում իշխող «Անսար Ալլա»(հութիներ) շիական շարժումն ու ԱՄՆ-ն Օմանի սուլթանության միջնորդությամբ պայմանավորվել են հրադադար ձեռք բերելու մասին: Այս մասին Օմանի ԱԳՆ ներկայացուցիչը հայտնել է Х սոցցանցում։

Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ-ն որոշել է դադարեցնել Եմենի հութիներին ուղղված հարվածները, քանի որ նրանք պատրաստակամություն են հայտնել հրաժարվել ռազմական գործողություններից:

«Օմանի սուլթանության, Միացյալ Նահանգների և Սանայի համապատասխան կառույցների միջև վերջերս տեղի ունեցած և իրավիճակի ապաէսկալացիային ուղղված քննարկումներից և շփումներից հետո երկու կողմերի միջև հրադադարի մասին համաձայնություն է ձեռք բերվել․․․ Ապագայում կողմերից ոչ մեկը չի հարձակվի մյուսի վրա, ներառյալ ամերիկյան նավերը Կարմիր ծովում և Բաբ Էլ Մանդեբի նեղուցում՝ ապահովելով նավարկության ազատությունը և միջազգային առևտրային նավարկության անխափան հոսքը»,-նշել է Օմանի ԱԳՆ-ն։

Մայիսի 4–ին հաղորդվել էր, որ Եմենից արձակված հրթիռի բեկորներն ընկել են Բեն Գուրիոն օդանավակայան, որի պատճառով այն փակվել է թռիչքների և վայրէջքների համար:

Այսօր հայտնի դարձավ, որ պայթյուններ հնչել Եմենի մայրաքաղաքում։ Իսրայելը պնդում է, որ ոչնչացրել է Սանայի օդանավակայանը։

Հիշեցնենք, որ Գազայի հատվածում Իսրայելի կողմից գործողությունների վերսկսման ֆոնին հութիները կրկին ռազմական գործողությունների են դիմելԻսրայելի դեմ։ Ավելի վաղ հութիների առաջնորդ Աբդել Մալիք Ալ Հուսիննախազգուշացրել էր, որ «Անսար Ալլահը» Կարմիր և Արաբական ծովերում կվերսկսի հարձակումները Իսրայելի հետ առնչվող նավերի վրա, եթե Իսրայելը շարունակի Գազայի հատվածի շրջափակումը:

Sputnik Արմենիա