ՀԱՊԿ-ը մեկնաբանել է Հաղթանակի զորահանդեսին անդամ պետությունների զինծառայողների մասնակցությունը

Մոսկվայի Կարմիր հրապարակում Հաղթանակի զորահանդեսին Հավաքական անվտանգության պայմանագրի կազմակերպության (ՀԱՊԿ) անդամ պետությունների զինծառայողների մասնակցությունը խոսում է այդ երկրների միասնության մասին։ ТАСС-ին հայտնել է ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը։

«ՀԱՊԿ անդամ պետությունների զինված ուժերի շքահանդեսային ստորաբաժանումների մասնակցությունը Կարմիր հրապարակում Հաղթանակի զորահանդեսին խորհրդանշում է կազմակերպության անդամ պետությունների միասնությունը, նպաստում է ռազմական եղբայրության ոգու պահպանմանը և կոլեկտիվ անվտանգության համակարգի ուժերի ու միջոցների պատրաստակամությանը՝ իրենց առջև դրված խնդիրները կատարելու համար»,- նշել է նա։

Սերդյուկովը ընդգծել է նաև ժողովուրդների միասնությունը, որի շնորհիվ նացիզմը պարտվեց։ «Հաղթանակը ձեռք բերվեց մեր երկրների ժողովուրդների միասնության, անկոտրում դիմադրության և հերոսական անձնազոհության շնորհիվ, որոնք վճռորոշ ներդրում ունեցան նացիզմի պարտության մեջ», - ասել է նա։

Ըստ ՀԱՊԿ-ի միացյալ շտաբի՝ Բելառուսի, Ղազախստանի, Ղրղզստանի և Տաջիկստանի զինված ուժերի զինվորական զորամասերի սպաները, սերժանտները և զինվորները միասնական շարքով երթով անցել են Ռուսաստանի Դաշնության գլխավոր հրապարակով՝ ռուսական զորահանդեսի ստորաբաժանումների հետ միասին։

News.am