Ռուսական պատվիրակությունն արդեն Ստամբուլում է

Ռուսաստանի պատվիրակությունն արդեն ժամանել Է Ստամբուլ Ուկրաինայի ներկայացուցիչների հետ հանդիպելու համար։ Տեղեկությունը հայտնում է ՌԻԱ Նովոստին` հղում անելով իր աղբյուրին։

Պատվիրակությունը գլխավորում է ՌԴ նախագահի օգնական Վլադիմիր Մեդինսկին։

Կազմում ընդգրկված են նաև արտաքին գործերի փոխնախարար Միխայիլ Գալուզինը, ՌԴ ԶՈւ գլխավոր շտաբի գլխավոր վարչության պետ Իգոր Կոստյուկովը, պաշտպանության փոխնախարար Ալեքսանդր Ֆոմինը։

Հիշեցնենք` ավելի վաղ Ռուսաստանի նախագահ Վլադիմիր Պուտինն Ուկրաինային առաջարկել էր Ստամբուլում մայիսի 15-ին վերսկսել առանց նախապայմանների ուղիղ բանակցությունները: Երկրի ղեկավարը չէր բացառել, որ բանակցությունների ընթացքում կողմերը կկարողանան հրադադարի մասին համաձայնության գալ:

Վլադիմիր Զելենսկին ի պատասխան կրկին առաջադրել էր այնպիսի պայմաններ, որոնք արդեն անընդունելի էին համարվել Մոսկվայում։ Նա նշել էր, որ Կիևը բանակցությունների սեղանի շուրջ կնստի միայն այն դեպքում, եթե Մոսկվան համաձայնի մայիսի 12-ից լիակատար հրադադար հաստատել։

Sputnik Արմենիա