Երևի USAID-ի փողերը դեռ չեն սպառվել. Զախարովան` Լավրովի այցից առաջ Երևանում սադրանքի մասին

Ռուսաստանի ԱԳՆ պաշտոնական ներկայացուցիչ Մարիա Զախարովան «USAID-ից մնացած փողերով ակցիա» է անվանել Երևանում ՌԴ նախագահ Վլադիմիր Պուտինի հասցեին վիրավորանքներ պարունակող պաստառների հայտնվելը, որոնք արևմտամետ ուժերը փակցրել էին արտգործնախարար Սերգեյ Լավրովի այցի նախաշեմին:

Ճեպազրույցի ընթացքում դիվանագետը հիշեցրել է Հայաստանում ԱՄՆ դեսպանատան հսկայական, գրեթե 2 հազար հոգանոց անձնակազմի մասին` ենթադրելով, որ աշխատակիցներից մեկը երևի դեռ չի հասկացել, որ պետք է զբաղվել ռուս-ամերիկյան հարաբերությունների ամրապնդմամբ, այլ ոչ թե ռուս-հայկական հարաբերությունների խաթարմամբ։

«Ըստ երևույթին, ամերիկյան դեսպանատանը ոմանք նախկին կանոններով են ապրում։ Հնարավոր է, որ ոմանց մոտ դեռ չեն սպառվել USAID - ի գծով փոխանցված փողերը, որը հենց նման նախագծերով էր զբաղվում»,-նշել է նա։

Միևնույն ժամանակ, Ռուսաստանը Հայաստանի հետ ընդարձակ օրակարգ ունի քննարկման և կոնկրետ կիրառական, գործնական աշխատանքի համար։ Իսկ այն, որ դա փոքրամասնություններից շատերին դուր չի գալիս, ռուսական կողմին հայտնի է։

Դիվանագետը հավելել է, որ Մոսկվան այս իրավիճակում ուղղվում է դեպի կառուցողական և դրական օրակարգ։

Զախարովան կարծում է, որ նման ակցիաների կազմակերպիչներն ավելի շատ բանի ընդունակ չեն։

Հիշեցնենք` Ռուսաստանի արտաքին գործերի նախարար Սերգեյ Լավրովը մայիսի 20-21-ը աշխատանքային այցով կլինի Երևանում: Մայիսի 21-ին ԱԳՆ-ում կկայանա ՀՀ արտաքին գործերի նախարար Արարատ Միրզոյանի և Սերգեյ Լավրովի հանդիպումը, որին կհաջորդի նախարարների համատեղ մամուլի ասուլիսը:

Sputnik Արմենիա