Զելենսկին հայտարարել է Ռուսաստանի հետ ուղիղ բանակցություններ սկսելու պատրաստակամության մասին
Ուկրաինան իր գործընկերների հետ քննարկում է Ռուսաստանի Դաշնության հետ հաջորդ ուղիղ բանակցությունները, իր երեկոյան ելույթում հայտարարել է նախագահ Վլադիմիր Զելենսկին, հաղորդում է РБК-Украина-ն։
Ըստ Զելենսկու՝ Ուկրաինան և գործընկերները քննարկել են երեկ ԱՄՆ նախագահ Դոնալդ Թրամփի հետ ունեցած զրույցի մանրամասներն ու գաղափարները։ Ուկրաինայի նախագահը շեշտել է, թե կարևոր է, որ Ամերիկան շարունակի մասնակցել խաղաղության մերձեցման գործընթացին։
Ի վերջո, հենց Ամերիկայից են «վախենում» Ռուսաստանում, և ԱՄՆ-ն կարող է ազդել Ռուսաստանի նախագահ Վլադիմիր Պուտինի վրա, ընդգծել է Զելենսկին:
«Մենք գործընկերների հետ խոսում ենք ռուսների հետ հաջորդ հանդիպումների մասին. ուղիղ բանակցություններ, որոնց Ուկրաինան բացարձակապես պատրաստ է, և՝ ցանկացած ձևաչափով, որը արդյունք կտա։ Ես շնորհակալ եմ բոլոր նրանց, ովքեր օգնում են մեզ»,- նշել է Ուկրաինայի նախագահը։
News.am