Բալթիկ ծովում սկսվել են ՆԱՏՕ զորավարժություններ

ՆԱՏՕ Baltops 2025 զորավարժությունները մեկնարկում են Բալթիկ ծովում, երկուշաբթի հայտնել է Լեհաստանի պաշտպանության նախարարության Ռազմահրատարակչական ինստիտուտը (Wojskowy Instytut Wydawniczy, WIW):

 «Այս տարվա զորավարժություններին կմասնակցեն մոտ 50 տարբեր տեսակի նավեր։ Հարավային Եվրոպայում տեղակայված ԱՄՆ 6-րդ նավատորմը մի քանի օր առաջ հայտնել է, որ զորավարժություններին կուղարկի USS Mount Whitney հրամանատարական նավը։ Գերմանացիները կունենան ուժեղ ներկայացուցչություն՝ Baltops-ին կմիանա, ի թիվս այլոց, FGS Bayern ֆրեգատը։ «Բրիտանացիները, իրենց հերթին, ուղարկել են P2000 պարեկային նավերի մեծ խումբ»,- նշվել է հաղորդագրությունում։

«Լեհական ստորաբաժանումները նույնպես արդեն ժամանել են Ռոստոկ (քաղաք Գերմանիայի հյուսիս-արևելքում, որը գտնվում է Վարնով գետի գետաբերանում): Այս անգամ ORP Gen. հրթիռային ֆրեգատը կկատարի առաջադրանքները իր դաշնակիցների հետ միասին: Գդինյայում գտնվող 3-րդ նավատորմից՝ ORP Gen. T. Kosciuszko ֆրեգատը և ORP Kaszub կորվետը, ինչպես նաև երկու ականազերծող նավ՝ ORP Mamry-ն և ORP Naklo-ն՝ 8-րդ Ափամերձ պաշտպանության նավատորմից»,- հաղորդել է ինստիտուտը:

Նրա տվյալներով՝ զորավարժությունների մասնակիցները «հաջորդ երկու շաբաթվա ընթացքում կգործեն Բալթիկ ծովի հարավային մասի ընդարձակ տարածքներում՝ Դանիական նեղուցներից և Յուտլանդիայի թերակղզուց մինչև Գդանսկի ծոց»։ Ռազմածովային վարժանքների հրապարակներում որոշ նավերի անձնակազմերը կանցկացնեն հրետանային կրակոցներ։

Նավերից բացի, Baltops 2025-ին կմասնակցի նաև ռազմական ավիացիան։

«Այս տարի կազմակերպիչները մեծ ուշադրություն են դարձրել տարբեր տեսակի անօդաչու թռչող սարքերի դեմ պայքարին՝ թե՛ օդային, թե՛ ցամաքային»,- նշվել է հայտարարությունում։

Դրանում նշվել է, որ «այս տարի միջոցառումը տեղի կունենա բացառիկ հանգամանքներում»։ «Մի քանի օր առաջ Ռուսաստանի Բալթիկ նավատորմը սկսել է լայնածավալ զորավարժություններ։ Մինչդեռ Բալթիկ ծովում իրավիճակը որոշ ժամանակ է՝ լարված է։ Վերջին ամիսներին տեղի են ունեցել արևմտյան երկրների համար կարևոր ստորջրյա ենթակառուցվածքների վնասման մի քանի միջադեպեր»,- նշվել է հաղորդագրությունում։

News.am