Մահացել է Վահան Շիրխանյանը

Մահացել է ՀՀ պաշտպանության նախարարի նախկին տեղակալ Վահան Շիրխանյանը: Տեղեկությունը հայտնում են լրատվամիջոցները։

Ըստ տեղեկությունների` նա կյանքից հեռացել է երկարատև հիվանդությունից հետո։

Վահան Շիրխանյանը հուլիսի 15-ին կդառնար 78 տարեկան։

Հիշեցնենք` 2015-ի դեկտեմբերին Շիրխանյանը ձերբակալվել, այնուհետև կալանավորվել էր Երևանում վնասազերծված «զինված հանցախմբի» գործի շրջանակում։

2018-ի հունիսին նա ազատ էր արձակվել:

Վահան Շիրխանյանը եղել է Հայաստանի Գերագույն խորհրդի պատգամավոր «Հայոց համազգային շարժում» խմբակցության կազմում, հետագայում նշանակվել է պաշտպանության փոխնախարար։ 1999 - 2000 թվականներին եղել է Հայաստանի արտադրական ենթակառուցվածքները համակարգող նախարար։

Sputnik Արմենիա