Այս մեղադրանքներն իրավական հիմք չունեն. Կարապետյանի գրասենյակի հայտարարությունը
«Տաշիր» ընկերությունների խմբի ղեկավար Սամվել Կարապետյանին առաջադրված մեղադրանքները՝ իբր իշխանությունը զավթելու հրապարակային կոչ անելու համար, որևէ իրավական կամ փաստական հիմք չունեն, սա ակնհայտ ճնշում գործադրելու փորձ է։ Այս մասին ասվում է Սամվել Կարապետյանի գրասենյակի մամուլի ծառայության հայտարարության մեջ։
Ավելի վաղ հայտնի դարձավ, որ «Տաշիր» ընկերությունների խմբի ղեկավար, ռուսաստանցի գործարար Սամվել Կարապետյանին մեղադրանք է առաջադրվել իշխանությունը զավթելու հրապարակային կոչ անելու համար (իր ավելի վաղ արված հայտարարության հիման վրա)։
Նշվում է, որ Կարապետյանը միշտ հանդես է եկել և շարունակում է հանդես գալ ի պաշտպանություն հայ ժողովրդի, Հայ առաքելական եկեղեցու և ազգային արժեքների։
«Նրա խոսքերն ու գործողությունները ուղղված են բացառապես քաղաքացիների իրավունքների և դավանության ազատության խաղաղ պաշտպանությանը», – ընդգծվում է հայտարարության մեջ։
Մամուլի ծառայությունը փաստել է, որ Կարապետյանը վաստակավոր գործարար է, բարերար, բազմաթիվ պետական և հասարակական պարգևների դափնեկիր, այդ թվում՝ «Արցախի հերոս» և «Հայորդի» պատվավոր կոչումների դափնեկիր։
«Նրա քաղաքացիական դիրքորոշումը որպես սպառնալիք պետական կարգին ներկայացնելու փորձերը` վախեցնելու և այլախոհությունը ճնշելու ակնհայտ փորձ են», – ասվում է հայտարարության մեջ։
Sputnik Արմենիա