«Ազգային խայտառակություն է». Ռոբերտ Քոչարյանը` Սամվել Կարապետյանին կալանավորելու մասին

Գործարար Սամվել Կարապետյանի հետ տեղի ունեցածը գրպանային դատաիրավական համակարգի հերթական ամոթալի գործողությունն էր։ Այս հայտարարությունն արել է ՀՀ երկրորդ նախագահ Ռոբերտ Քոչարյանը։

«Ազգային խայտառակություն է, երբ մեծ ներդրողը և բարեգործը, ում գործունեության արդյունքները ակնառու են թե՛ սփյուռքում և թե՛ Հայաստանում, առանց որևէ հիմքի բանտ է նետվում Հայ առաքելական սուրբ եկեղեցուն ի պաշտպանություն հանդես գալու համար»,– գրել է նա ֆեյսբուքյան էջում։

Քոչարյանի խոսքով` այս խայտառակ իրավիճակից դուրս գալու միակ ճանապարհը իշխանափոխությունն է։

«Այլապես արագ գլորվում ենք դեպի տոտալ բռնապետություն՝ մեր պետականության համար անկանխատեսելի հետևանքներով»,– հավելել է նա։

Քոչարյանն ամրություն է մաղթել Սամվել Կարապետյանին:

«Վստահ եմ, որ մոտենում է բոլոր ապազգային և ապօրինի գործողություններին վերջ տալու ժամանակը»,– եզրափակել է նա։

Sputnik Արմենիա