ԹՅՈՒՐՔԱԳԵՏ․ ԱՌԱՋԻԿԱ ՇԱԲԱԹՆԵՐԻՆ ԿՀԱՍԿԱՆԱՆՔ՝ ԻՆՉ ԶԻՋՈՒՄՆԵՐԻ ԵՆ ՀԱՄԱՁԱՅՆԵԼ ՀՀ ԴԵ-ՖԱԿՏՈ ԿԱՌԱՎԱՐՈՂՆԵՐԸ
Թյուրքագետ Վարուժան Գեղամյանը գրել է․ «Երեկ Ստամբուլում տեղի ունեցած Էրդողան-Փաշինյան հանդիպմանը հետևեց ոչ թե համատեղ հայտարարություն, այլ կողմերն առանձին կարճ հաղորդագրություններ հրապարակեցին: Դրանցում որևէ հստակություն չկա, ուստի մենք միայն առաջիկա շաբաթներին տեղի ունենալիք գործողություններից կհասկանանք, թե իրականում ինչ զիջումների են համաձայնել ՀՀ դե-ֆակտո կառավարողները:
Թուրքական կողմի հայտարարությունը կարդալով՝ պետք է հիշել 1920 թ. նմանատիպ իրավիճակում թուրք արտգործնախարարի հետևյալ նամակ-կարգադրությունը Հայաստանի հետ բանակցողներին. «Բացարձակ անհրաժեշտություն է, որ Հայաստանը քաղաքականապես ու նյութապես մեջտեղից վերացվի… Դրանից բխում է, որ քննարկման առարկա չի կարող լինել հայերի հետ պարզ մի զինադադարի համաձայնության արդյունքում մեր հետ քաշվելը: Հայերին փոխանցվող զինադադարի հիմնադրույթները պիտի ուղղված լինեն ոչ թե Հայաստանից դուրս գալուն, այլ հայերին մոլորեցնելուն և Եվրոպայի նկատմամբ խաղաղասեր երևալուն…
Վերը նշված այդ նպատակը պիտի իրականացնել քողարկված ու փափուկ ձևով` ինչպես խաղաղության պայմանագրի տեքստում, այնպես էլ նրանից բխող գործողություններում` հայերի աչքերում մշտապես խաղաղասեր երևալու պայմանով»:
Պայքարն ու դիմադրությունը պետք է մնան օրակարգի գլխավոր հարցերը»։