Սրանց հեռացնելու ենք․ «Հայաստան» դաշինքը գործելու կոչ է անում
Գլխավոր խնդիրը Հայաստանի վերջնական բռնատիրացումը կանխելն է, «սրանց» հեռացումը ու պատասխանատվության ենթարկելը, նման հայտարարություն է հրապարակել ԱԺ ընդդիմադիր «Հայաստան» դաշինքը։
Հայտարարության մեջ նշվում է, որ Հայաստանի համար գլխավոր քաղաքական վտանգը գործող իշխանությունն է, որը հանձնել է Արցախը, հիմա էլ հարվածներ է հասցնում պետականության հենասյուներին՝ Անկախության հռչակագրին, Սահմանադրությանը, բանակին, եկեղեցուն, սփյուռքին:
«Ձգտելով խուսափել ազգային դավաճանության համար պատասխանատվությունից՝ Փաշինյանը բացահայտ ահաբեկչություն է իրականացնում հայ ժողովրդի նկատմամբ: Շարունակվում են ապօրինի ձերբակալությունները, խուզարկություններն ու կալանավորումները», - գրում է դաշինքը։
Դաշինքը միավորվելու ու գործելու կոչ է անում իշխանազրկելու գործող վարչախմբին։
Sputnik Արմենիա