Չոլպոն Աթայում մեկնարկել է ՀԱՊԿ արտգործնախարարների հանդիպումը. Միրզոյանը չի մասնակցում

Չոլպոն Աթայում (Ղրղզստան) սկսվել է Հավաքական անվտանգության պայմանագրի կազմակերպության (ՀԱՊԿ) արտաքին գործերի նախարարների հանդիպումը։

ԱԳՆ ղեկավարները կքննարկեն միջազգային, տարածաշրջանային իրավիճակը և դրա ազդեցությունը ՀԱՊԿ երկրների անվտանգության վրա։

Sputnik Ղրղզստանի փոխանցմամբ՝ ՀՀ արտգործնախարար Արարատ Միրզոյանը նիստին չի մասնակցում։

ՀԱՊԿ անդամ են Ռուսաստանը, Բելառուսը, Ղազախստանը, Ղրղզստանը, Տաջիկստանը և Հայաստանը։ Երևանը դեռ 2024 թվականի սկզբին հայտարարեց կազմակերպությանն իր մասնակցությունը սառեցնելու մասին։

Sputnik Արմենիա