ՀՀ կառավարությունը ևս 50 մլն եվրո վարկ կվերցնի Եվրոպական ներդրումային բանկից

Հայաստանի կառավարությունը և Եվրոպական ներդրումային բանկը (ԵՆԲ) համաձայնագիր են կնքել 50 միլիոն եվրոյի արտոնյալ վարկ տրամադրելու մասին։ Այս միջոցներն ուղղվելու են «Կայուն Սյունիք» ծրագրի իրականացմանը, որը կոչված է ամրապնդելու սոցիալական և արդյունաբերական ենթակառուցվածքները երկրի հարավային շրջաններում, հատկապես ռազմական հակամարտություններից և բռնի տեղահանումներից տուժած համայնքներում։

Ֆինանսավորումն ընդգրկում է կրթության, առողջապահության և ջրամատակարարման ոլորտների կարևոր օբյեկտների կառուցումը, վերանորոգումը և կայունության բարձրացումը։

Ծրագիրը նախատեսված է հինգ տարվա համար, և դրա իրականացումը պետք է սկսվի համաձայնագրի ստորագրումից հետո մեկ տարվա ընթացքում։

Alpha news