2019-04-08 15:28
Լրատվական գործակալություններ
0
Պուտինը կհանդիպի Էրդողանի հետ Մոսկվայում
Թուրքիայի նախագահ Ռեջեփ Թայիփ Էրդողանը հայտարարել է, որ ռուս-թուրքական հարաբերություններն ավելի են ամրապնդվում:
Ինչպես գրում են թուրքական լրատվամիջոցները, Էրդողանի խոսքով՝ այժմ երկու երկրների միջև հարաբերությունների ամրապնդում է նկատվում բոլոր ոլորտներում:
Թուրքիայի նախագահն ասել է, որ ՌԴ նախագահ Վլադիմիր Պուտինի հետ հանդիպմանը կքննարկվեն տարածաշրջանային հարցեր, այդ թվում՝ Սիրիայում իրավիճակը, ռուսական С-400 զենիթահրթիռային համալիրների մատակարարման հարցը:
Հիշեցնենք, որ այսօր Էրդողանը մեկնում է Ռուսաստան: Իր ռուս գործընկերոջ հետ հանդիպմանը կքննարկվեն տնտեսական ու քաղաքական հարցեր:
Թուրքիան ՆԱՏՕ-ի անդամ առաջին երկիրն է, որը Ռուսաստանից կստանա այդ տեսակի զենիթահրթիռային համալիրներ:
