Ավելի քան 70 կոնգրեսականներ Հայոց ցեղասպանության ճանաչման նոր բանաձև են ներկայացրել

ԱՄՆ Կոնգրեսի Ներկայացուցիչների պալատի անդամներ Ադամ Շիֆը և Գաս Բիլիրակիսը Հայոց ցեղասպանության ճանաչման նոր բանաձև են ներկայացրել:

Բանաձևին աջակցել են ԱՄՆ ավելի քան 70 կոնգրեսականներ, փոխանցում է Ամերիկայի Հայ դատի հանձնախումբը:

Կոնգրեսականներն առաջարկել են Վաշինգտոնի քաղաքականության մեջ մի շարք նոր դրույթներ մտցնել, ներառյալ Հայց ցեղասպանության ճանաչման նպատակով որոշակի քայլերի իրականացմանն ուղղված միջոցառումներ:

Բանաձևի հեղինակները ԱՄՆ իշխանություններին կոչ են անում պաշտոնապես ճանաչել Հայոց ցեղասպանությունը, կանխել հանցագործության ժխտման փորձերը և գիտակցել Հայց ցեղասպանության պատմության թեման ուսուցանելու անհրաժեշտությունը՝ այն նպատակով, որպեսզի ապագայում համանման երևույթները կանխվեն: