Իտալիայի խորհրդարանը ճանաչեց Հայոց ցեղասպանությունը

Իտալիայի խորհրդարանը 382 կողմ ձայնով հավանության է արժանացրել Հայոց ցեղասպանությունը ճանաչող բանաձևը:

Այս մասին հայտնում է Asbarez-ը:

Իտալիայի խորհրդարանը ունի 432 պատգամավոր:

Իտալիայի խորհրդարանի Պատգամավորների պալատը Հայոց ցեղասպանության հարցն օրակարգում ներառելու միաձայն առաջարկով հանդես էր եկել նախօրեին: Որպես առաջարկի նպատակ նշվել էր «Հայոց ցեղասպանությունը պաշտոնապես ճանաչելը և դրա միջազգային ճանաչմանը հասնելը»:

Դա հարուցել էր Թուրքիայի զայրույթը, որի պատճառով Իտալիայի դեսպանին կանչել էին ԱԳՆ, տեղեկացնում է Sputnik Armenia-ն: